EK DROOM deur LUZAAN BRAND
Hierdie gedig is geskryf deur Luzaan aan haar vriendin Caryn, ‘n maatskaplike werkster in haar eerste ses maande in ‘n plattelandse gemeenskap met uiterste nood. DIt is waaroor ons jongmense droom…. Waaroor droom ons. Waaroor droom jy nog? En wat doen ons in die dag?
Ek droom van groengras by parkies
en glimlagte op swaaie.
Ek droom van skoolskoene, van truie
en heininglose skole.
Ek droom van tydlose fietsresies
in veilige stofstrate.Ek droom van lopende water
en spoeltoilette;
van swart kospotte
en hongerlose lywe;
reënweerstand huise
en pienkblom tuine.Ek droom van tronkvry pa’s
en oud-genoeg ma’s.
Ek droom van kinders wat speel
en in helde spore trap.
Ek droom van volop werk
en saameet gesinne.
en glimlagte op swaaie.
Ek droom van skoolskoene, van truie
en heininglose skole.
Ek droom van tydlose fietsresies
in veilige stofstrate.Ek droom van lopende water
en spoeltoilette;
van swart kospotte
en hongerlose lywe;
reënweerstand huise
en pienkblom tuine.Ek droom van tronkvry pa’s
en oud-genoeg ma’s.
Ek droom van kinders wat speel
en in helde spore trap.
Ek droom van volop werk
en saameet gesinne.
Ek droom van ons –
van hande en van voete:
ons hande vervul drome
ons voete trap vir vrede
en ons lippe sing van hoop
in ‘n land wat lank reeds lewe